Statistikat për veprat penale të refugjatëve në Gjermani

Më shumë se 1 milion vetë kërkuan në dy vjetët e fundit azil në Gjermani. Por, çfarë thonë statistikat mbi veprat penale të tyre?

Në raportin e fundit të Zyrës Federale të Policisë Kriminale (BKA) mbi kriminalitetin dhe emigrantët, bëhet fjalë për të ardhurit, dhe ata përshkruhen si azilkërkues, për persona që kërkojnë mbrojtje, apo ata që kanë marrë azil, si edhe persona që janë pjesë e një kontingjenti refugjatësh, viktima të luftërave civile, apo persona që nuk kanë të drejtë qëndrimi.

Sipas Zyrës Federale janë regjistruar 300.000 raste, në të cilat të paktën është arrestuar një i ardhur i tillë, i dyshuar për vepër penale. Megjithëse në vitin 2016 në tërësi janë shënuar më pak vepra penale, është rritur dukshëm numri i emigrantëve që kanë kryer vepra penale, shkruan DW, përcjell albinfo.ch. Mosha mesatare e shumicës së refugjatëve të ardhur në Gjermani është nga 14-30 vjeç.