Bebe Rexha, më 11 maj, koncert në Cyrih

Këngëtarja shqiptare me famë botërore, Bebe Rexha, do të performojë më 11 maj në Komplex 457, në Cyrih.

Bebe Rexha, 28-vjeçare, me origjinë shqiptare, e cila është e njohur si autore tekstesh e shumë këngëve të njohura të yjeve të muzikës ndërkombëtare, por edhe për stilin e saj unik si këngëtare, do të interpretojë për publikun hitet e saj, si “No broken hearts” apo “I can’t stop drinking about you”, të cilat i dhanë hov suksesit të saj si këngëtare, shkruan albinfo.ch.

Bebe Rexha, këngëtare shqiptare me famë ndërkombëtare, lindi në New York në vitin 1989 nga prindër shqiptarë. Nisi të këndonte në moshën 4-vjeçare, por krahas këngës ndoqi edhe pasionin për disa instrumente muzikore. Gjatë shkollës së mesme, Bebe Rexha ishte pjesë e një bande muzikore femërore.

Rexha është e njohur për hitet me të cilat ka fituar zemrat e adoleshentëve dhe të rinjve në mbarë botën, ndërsa nuk janë të pakta edhe bashkëpunimet me emra të njohur të muzikës, si David Guetta, Pit Bull, Nicky Minaj, etj.

komplex457