Më 29 mars 2019, Britania nuk do të jetë më anëtare e BE-së

"Britania do të pushojë të jetë një anëtare e Bashkimit Evropian në mesnatën e 29 marsit 2019, vetëm nëse samiti i BE-së vendos në mënyrë unanime që në periudhën dyvjeçare bisedimet të vazhdojnë"

Britania e Madhe nuk do të jetë anëtare e Bashkimit Evropian pikërisht në mesnatën e 29 marsit 2019, sipas mendimit juridik të Komisionit Evropian, të publikuar për bisedime «Brexit».

“Britania do të pushojë të jetë një anëtare e Bashkimit Evropian në mesnatën e 29 marsit 2019, vetëm nëse samiti i BE-së vendos në mënyrë unanime që në periudhën dyvjeçare bisedimet të vazhdojnë”, thuhet në njoftim, përcjell albinfo.ch.

Në të njëjtën kohë, kryenegociatori për çështjet evropiane të BE-së për “Brexit”, Mishel Barnier, i cili zbuloi strategjinë për zhvillimin e bisedimeve me Londrën në dy vjetët e ardhshme, gjithashtu u kërkoi atyre për të filluar sa më shpejt të jetë e mundur, sepse, sipas tij, “ora po troket”. Sipas tij, Brukseli do të jetë gati më 22 maj, kur Këshilli i BE-së më në fund duhet të vendosë për formatin e bisedimeve. Barnier shtoi se realisht ata do të fillojnë pas zgjedhjeve të parakohshme në Britani të Madhe më 8 qershor.

Strategjia e paraqitur nga Barnier thotë se qytetarët e BE-së që jetojnë në Britani të Madhe për më shumë se pesë vjet duhet të kenë të drejtën për të marrë shtetësinë e përhershëm në vend.

Kjo është një kërkesë e përsëritur në Bruksel për qytetarët evropianë, të cilët duke arritur në vend para “Brexitit” duhet t’i gëzojë të njëjtat të drejta si më parë.