E-Diaspora
Kundër paragjykimeve ndaj shqiptarëve në Zvicër
Më 12 maj 2017, “20 Minuten” publikoi një artikull lidhur me preferencat e zviceranëve për kolegët me të cilët ata do të dëshironin të ndajnë vendin e punës. Artikulli në fjalë i referohet një sondazhi që kishte realizuar “der Bund” duke pyetur 1700 zviceranë nga e gjithë Zvicra, me pyetjen: Më kë dëshironi të ndani vendin e punës?
Sipas këtij sondazhi, dalin në pah problemet apo rezervat që kanë punëmarrësit zviceranë me kolegët të cilët vijnë nga vendet jo evropiane.
Mbi të gjitha, është shqetësuese ajo çka evidentohet në këtë artikull ku jepet shifra prej 70% e zviceranëve, të cilët pretendohet se refuzojnë shqiptarët si kolegë pune.
Ambasadat e Shqipërisë dhe Kosovës në Bernë reagojnë dhe thonë se ky konkluzion sipas tyre nuk përfaqëson realitetin, porse evidenton një paragjykim dhe stigmatizim të një prej komuniteteve më të mëdha në Zvicër, atë të shqiptarëve, shkruan albinfo.ch.
“Një pohim i tillë është i papranueshëm për komunitetin shqiptar në Zvicër. Ai bie ndesh edhe me vetë parimet e shoqërisë zvicerane, ku mbizotëron drejtësia, toleranca dhe barazia.”, thuhet në reagim, shkruan albinfo.ch.
“Duke qenë se këto afirmime publike, mediale që faktikisht shprehin qëndrime subjektive, ndikojnë negativisht në imazhin e shqiptarëve, duke cenuar drejtpërdrejt interesat dhe dinjitetin tuaj, mendojmë se ndaj tyre duhet reaguar duke ofruar shembuj të kundërt që flasin me gjuhë faktesh, të cilat tashmë janë një pjesë e pakontestueshme e realitetit zviceran.”, thuhet më tutje në reagimin e Ambasadave në Bernë duke potencuar se këtë mundet dhe duhet ta bëjnë më së miri vetë shoqatat e shumta të shqiptarëve në Zvicër, dhe çdo shqiptar, duke u koordinuar dhe duke bashkërenditur veprimet e tyre rreth një qëllimi të përbashkët që do të ishte mbrojtja e imazhit dhe dinjitetit të shqiptarëve që jetojnë në Zvicër.
Ambasadat e Shqipërisë dhe Kosovës në Bernë shprehin shqetësimin e thellë për lajme të tilla, por njëkohësisht thonë se janë të bindur dhe të sigurt që diaspora shqiptare në Zvicër ka potencialin e nevojshëm për të reaguar ndaj këtij realiteti të shtrembëruar.
Të ngjashme
Të tjera nga E-Diaspora
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Cyrihu planifikon që popullsia e tij të arrijë shifrën prej 2 milionë Në fund të vitit 2023, në kantonin më të populluar të Zvicrës – në Cyrih, jetonin...
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet