Lajme
Hoyt Yee: Kosovës i duhet lidership i fortë për arritjen e konsensusit
“Në një vend si Kosova, ku ka mendime të ndryshme në mes të partive të ndryshme...është me rëndësi për njerëzit këtu, që të punojnë së bashku për qëllime të përbashkëta”, tha zëvendës ndihmës Sekretari Amerikan i Shtetit, Hoyt Brian Yee
Kosovës dhe i duhet një lidership i fortë që mund të arrijë konsensus kombëtar për çështjet e rëndësishme të cilat kanë mbetur pezull. Kështu ka deklaruar zëvendës ndihmës Sekretari Amerikan i Shtetit, Hoyt Brian Yee, i cili është fokusuar kryesisht në marrëveshjen e Demarkacionit mes Kosovës dhe Malit të Zi që ishte edhe njëra ndër shkaqet e rrëzimit të legjislaturës së 5-të në Kosovë.
Në intervistën ekskluzive për emisionin “Jeta në Kosovë”, në RTK, Yee ka folur për konceptin e lidershipit të fuqishëm në Kosovë.
“Në një vend si Kosova, ku ka mendime të ndryshme në mes të partive të ndryshme…është me rëndësi për njerëzit këtu, që të punojnë së bashku për qëllime të përbashkëta”, tha Yee, i cili bëri thirrje për ratifikimin e marrëveshjes për Demarkacionin si një ndër kushtet kryesore për arritjen e liberalizimit të vizave.
“Për shembull, në marrëveshjen për demarkimin e kufirit duket që nuk ka një konsensus në mes të të gjitha partive dhe liderëve. Kjo marrëveshje duhet të kalohet. Ka qenë shumë e qartë nga ana e bashkësisë ndërkombëtare që kjo marrëveshje duhet të kalohet nga Qeveria dhe të miratohet nga Kuvendi në mënyrë që vendi të lëvizë drejt marrjes së lëvizjes pa viza”, vlerësoi Yee.
Ai gjatë vizitës në Ballkan ka folur edhe për rrezikun e përsëritjes së konfliktit në këtë rajon.
Brian Yee, tha se nëse nuk trajtohen, problemet do të acarohen dhe do të çojnë në konflikte, të cilat në mënyrë të paevitueshme mund të tërheqin brenda tyre edhe Shtetet e Bashkuara.
Hoyt Brian Yee, i cili kohët e fundit bëri një vizitë të shpejtë në disa vende të Ballkanit, tha se qëndrueshmëria dhe demokracia në Ballkan nuk duhen marrë si diçka e garantuar.
“Historia e kohëve të fundit na tregon në mënyrë të përsëritur se asgjë nuk mund ta zëvendësojë rolin udhëheqës aktiv të SHBA në Ballkan, në partneritet të fortë me Bashkimin Evropian. Puna jonë në Ballkan ndihmon për ta bërë Amerikën më të sigurt”, tha ai.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter