Të shpejtohen procedurat e azilit!

Brenga që i bashkon institucionet përgjegjëse të të dyja niveleve është shtimi i numrit të azilkërkuesve në Zvicër

Federata dhe kantonet pajtohen rreth një çështjeje: se procedurat e azilit duhet të shpejtohen. Këtë e kanë dëshmuar pjesëmarrësit në kuvendin vjeshtor të Konferencës së drejtorëve kantonalë për çështje juridike dhe të policisë, të mbajtur dje në Bernë.

Brenga që i bashkon institucionet përgjegjëse të të dyja niveleve është shtimi i numrit të azilkërkuesve në Zvicër.

Ato u pajtuan se është me rëndësi bashkëpunimi i mirë me shtetet tjera, në veçanti me ato që kanë nënshkruar marrëveshjen e Dublinit. Ky bashkëpunim me vendet e përmendura do të lehtësonte dëbimin e azilkërkuesve të refuzuar.

Në margjina të kuvendit, ministrja e Drejtësisë, SImonetta Sommaruga ka shpallur një koncept emergjent lidhur me strehimin e azilkërkuesve.