Kosova: vota e diasporës
Diaspora u injorua edhe në këto zgjedhje nga Kosova
Mazllum Baraliu, ish-shef i Sekretariatit të Komisionit Qendror të Zgjedhjeve (KQZ) në Kosovë, ka kritikuar këtë institucion për mostrajtimin e duhur për diasporën. Baraliu ka thënë se KQZ-ja nuk po ia ofron mundësitë diasporës për të votuar si duhet
Diaspora kosovare edhe në këto zgjedhje është injoruar dhe anashkaluar nga institucionet e Kosovës, pavarësisht se përbën një të tretën e trungut demografik të vendit. Këtë shqetësim përveç Lëvizjes Vetëvendosje, e ka deklaruar edhe Mazllum Baraliu, ish-shef i Sekretariatit të Komisionit Qendror të Zgjedhjeve (KQZ) në Kosovë.
Ai e ka kritikuar këtë institucion për mostrajtimin e duhur për diasporën. Baraliu ka thënë se KQZ-ja nuk po ia ofron mundësitë diasporës për të votuar si duhet.
Në intervistën dhënë “Epokës së re”, Baraliu ka thënë se votimi përmes postës elektronike mund të paraqesë problem për shumë qytetarë të moshave të ndryshme dhe niveleve të arsimimit. Po ashtu, ai ka vlerësuar se sfidë mbetet organizimi dhe menaxhimi i zgjedhjeve në veri të vendit.
Ai ka theksuar se më 11 qershor në veri nuk duhet të përsëriten zgjedhjet e vitit 2014, të cilat, sipas Baraliut, më së paku kanë qenë zgjedhje të Kosovës dhe të ligjshme, meqë ka pasur shkelje të dispozitave ligjore dhe kushtetuese. Ai ka vlerësuar se duhet të ketë mobilizim gjithëpërfshirës për të pasur zgjedhje demokratike dhe me standarde të larta.
Ndryshe, shqetësim për anashkalimin e diasporës në këto zgjedhje ka reflektuar edhe Lëvizja Vetëvendosje. Ajo iu bënë thirrje bashkatdhetarëve që të nxjerrin biletat e aeroplanit apo të autobusit për të votuar në Kosovë, pasi, sipas LVV-së, më lirë është një biletë aeroplani, se sa anashkalimi në vijimësi i diasporës.
Të tjera nga Kosova: vota e diasporës
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla