Shkurt.ch
Parlamenti, për heqjen e statusit të përkohshëm (Vizës F)
Dhoma Nacionale në sesionin e djeshëm, me shumicë votash (113 kundrejt 63) ka miratuar një mocion përmes të cilit i kërkohet qeverisë që të bëjë ndryshimin përkatës të statusit të përmendur

Dhoma Nacionale e Parlamentit të Zvicrës është marrë e para nga dy dhomat me çështjen e ndryshimit të statusit të pranimit të përkohshëm të azilkërkuesve (viza F) gjegjësisht ndarjes së këtyre azilkërkuesve në dy kategori.
Ajo, në sesionin e djeshëm, me shumicë votash (113 kundrejt 63) ka miratuar një mocion përmes të cilit i kërkohet qeverisë që të bëjë ndryshimin përkatës të statusit të përmendur, shkruan nzz.ch. Me këtë ndryshim duhet të realizohet një mbrojtje më e mirë dhe më efikase e refugjatëve me qëndrim të përkohshëm, transmeton albinfo.ch. Statusi i ri pritet të përmirësojë edhe pozitën në tregun e punës të kësaj kategorie të refugjatëve.
Pas votimit në Dhomën Nacionale, çështja i kalon Dhomës së Kantoneve (Senatit).
Siç ka shkruar tashmë albinfo.ch, Këshilli Federal kishte pranuar një mocion të Komisionit për Politika Shtetërore (SPK) në kuadër të Dhomës Nacionale të Parlamentit. Ky mocion kërkonte që statusi i sotëm i përkohshëm i azilkërkuesve (Viza F) të diferencohet, gjegjësisht të parashihen kushte të ndryshme për statusin e qëndrimit në Zvicër të personave të kësaj kategorie.
Te një pjesë e azilkërkuesve që bëjnë pjesë në këtë grupim që në fillim shihet se do të mbeten të qëndrojnë një kohë të gjatë në Zvicër. Këta azilkërkues, sipas propozimit të SPK do të pranoheshin me statusin e ri që do të quhej “të mbrojtur”. Nga ana tjetër, ata të cilët kanë vetëm nevojë të përkohshme për mbrojtje, do të identifikohen me statusin “me nevojë të përkohshme për mbrojtje”, transmeton albinfo.ch. Kjo varet nga situata në vendet prej nga vijnë këta persona.
Në rast se të dy dhomat e Parlamentit do ta votojnë këtë propozim, Këshilli Federal do ta përpunojë një propozim ligji për këtë problematikë.
Statusi i kategorisë së parë (të mbrojtur), sipas komisionit të përmendur do të ketë këto cilësi: nuk do të jetë i kufizuar në kohë; do të mundësojë bashkimin familjar të personit që ka këtë status, me kusht që ai të jetë i pavarur financiarisht; Është e domosdoshme lidhja e marrëveshjes për integrim; Integrimi në tregun e punës etj.
E-Diaspora
-
Sulm me armë në Nju-Jork: Pesë të vdekur, mes tyre edhe sulmuesi Raportohet se katër persona, ndër ta një polic, kanë humbur jetën pasi një sulmues i armatosur...
-
Livia Sadikaj shpallet studentja më e mirë e vitit në ACT College Thessaloniki
-
Në kryeqytetin e Kosovës jehoi zëri i dy operistëve shqiptarë me famë botërore
-
Rritet puna në bizneset kosovare falë diasporës
-
Nga refugjat politik – Kryetar i Këshillit Bashkiak të Lozanës: Historia frymëzuese e Musa Kamenicës
Jeta në Zvicër
-
Çmimet e ulëta të Uber ndezin zemërimin e taksistëve në Ticino Ka kaluar një vit që nga ardhja e shërbimit të transportit privat Uber në kantonin jugor...
-
Autostradat, në qendër të strategjisë diellore të Konfederatës
-
Pasagjerët e avionit shpëtohen gjallë pas uljes emergjente në Liqenin e Lucernit
-
Sekuestrohet kokainë dhe armë zjarri: Arrestohet një shqiptar dhe një italian
-
Pse shumë zviceranë zgjedhin të emigrojnë në pleqëri?