Zbatohet edhe këtë vit plani i lehtësimeve për hyrje të mërgimtarëve në Maqedoni

Zëvëndësministri i Punëve të Brendshme të Maqedonisë, Agim Nuhiu, ka zhvilluar një vizitë të shtunën në pikën kufitare në Tabanovcë duke përcjell  nga afër fluksin e kthimit të mërgimtarëve që kthehen për pushime në vendlindje.

Me këtë rast Nuhiu thotë të ketë vërtetuar planin e lehtësimeve për hyrje të mërgimtarëve në pikat kufitare të Maqedonisë, përcjell albinfo.ch.

“Plani i lehtësimeve për hyrje të mërgimtarëve në pikat kufitare të Maqedonisë si praktikë e mirë po zbatohet edhe këtë vit! Pushime të këndshme në vendlindje”, shkruan Nuhiu në një postim në Facebook.