Rritet për 30 për qind numri i të sëmurëve me kancer në Kosovë

Onkologu Ilir Kurtishi ka thënë se në Kosovë trendi i sëmundjeve malinje është në rritje.

Në një intervistë për RTK-në, Kurtishi ka bërë të ditur se në Kosovë ka rritje të numrit të sëmurëve me kancer për rreth 30 për qind.

“Në krahasim me vendet e rajonit ne qëndrojmë më mirë. Ka më pak persona se në Maqedoni dhe Malin e Zi. Vetëm në gjashtëmujorin  e parë kemi 800 raste, kurse deri në fund të vitit do të mund të kemi mbi 1400”, tha ai.

Sipas tij si klinikë kanë regjistër për të sëmurët. “Shumë shpejt Kosova do të ketë regjistër për kancer”, tha ai.

Kurtishi bëri me dije se ka edhe të sëmurë me këtë sëmundje që nuk lajmërohen në Prishtinë, por shikojnë alternativa të tjera.

“Kjo shifër shkon prej 5 %”, tha ai.