Lajme
Mobilizohet Qeveria, Rexhepi do të varroset me nderime shtetërore
Qeveria në detyrë e Republikës së Kosovës formoi një këshill prej disa ministrash për të përgatitur ceremoninë shtetërore për varrimin e Bajram Rexhepit
Qeveria e Kosovës në mbledhjen e sotme ka formuar komisionin për organizimin e ceremonisë mortore për vdekjen e ish-kryeministrit të parë të Kosovës, Bajram Rexhepi. Kryeministri në detyrë Isa Mustafa tha se Kosova sot ka humbur një personalitet, një mjek të mirë, një humanist para, gjatë dhe pas luftës.
Ai tha se është vështirë të thuhen përshtypjet për Bajram Rexhepin.
“Kosova dhe shoqëria do të jenë mirënjohës ndaj Rexhepit për kontributin e dhënë”, tha Mustafa.
Në krye të këtij këshilli është Hajredin Kuçi, ndërsa anëtarë do të jenë ministrja në detyrë e Kulturës Vlora Dumoshi, ministri në detyrë i Punëve të Brendshme Skënder Hyseni, ai i Forcës së Sigurisë së Kosovës, Haki Demolli, ministri në detyrë i Arsimit, Arsim Bajrami, kryetari i Mitrovicës Agim Bahtiri dhe një anëtar i familjes.
Ish-kryeministri i Kosovës Bajram Rexhepi ka vdekur sot në një nga spitalet në Turqi. I lindur në qershor të 1954-s, Rexhepi ishte zgjedhur kryeministër i parë i Kosovës së pasluftës në mars të vitit 2002. Ka qenë edhe kryetar i komunës së Mitrovicës në dy mandate si dhe ministër i Punëve të Brendshme.
Rexhepi vdiq në një spital të Turqisë ku po trajtohej qe disa muaj pas sulmeve që kishte përjetuar në tru. Disa vite më parë ai e kaloi me sukses një kancer, dhe pas asaj periudhe punoi ministër dhe prefekt komune. Në gjithë karrierën e tij ai u shqua si politikan modest, ku shpesh e askusoi edhe partinë e tij për lëshime e keqpërdorime.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Organizata zvicerane e turizmit zbulon logon e saj të re Mirupafshim Edelweiss: Organizata zvicerane e turizmit zbulon logon e saj të re...
-
Cyrih: Adoleshentët aksidentohen, i ikën policisë
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Floriani 10 vjeçar bën selfie me Xhakën, i kushtoi babait të tij 2600 franga
-
Pse 1 Maji nuk është festë publike kudo në Zvicër?