Renens mirëpret Festën e Fëmijëve Shqiptarë në Diasporë “Kujtime, Ngjyra dhe Buzëqeshje”

Aktiviteti do të sjellë një atmosferë festive me ekspozitë pikturash nga fëmijët, lojëra dhe aktivitete kreative, filma për fëmijë etj.

Më 30 maj 2026, duke filluar nga ora 12:00, në Renens Village (Kantoni Vaud) do të mbahet festa “Kujtime, Ngjyra dhe Buzëqeshje”, një aktivitet dedikuar fëmijëve shqiptarë në diasporë, i organizuar nga Swiss Albania Event, në mbështetje të Ambasadës së Republikës së Shqipërisë në Zvicër dhe Agjencisë Kombëtare të Diasporës.

Aktiviteti do të sjellë një atmosferë festive me ekspozitë pikturash nga fëmijët, lojëra dhe aktivitete kreative, filma për fëmijë, libra shqip si dhe ndarjen e çmimeve për fituesit e konkursit artistik.

Pjesë e programit do të jetë edhe SHKA “Ilirët”, e cila do të prezantohet me grupin e valltarëve të vegjël dhe adoleshentëve, duke performuar valle folklorike shqiptare dhe duke sjellë në skenë ngjyrat e traditës dhe kulturës shqiptare.

Organizatorët bëjnë thirrje për pjesëmarrje sa më të madhe të familjeve shqiptare në Zvicër, në një ditë që synon të bashkojë fëmijët përmes artit, kulturës, gjuhës dhe kujtesës për rrënjët shqiptare

---