Kosova

Artisti shqiptar nga Kanadaja, Zeqirija Rexhepi, hap ekspozitë në Berat

Ekspozita e titulluar "rrënjët" sjell për publikun mbi 40 punime artistike, të cilat përfaqësojnë një trashëgimi emocionale të mbartur në çdo etapë të jetës së autorit

E martë, 30 Qershor 2026 - 18:30 albinfo.ch

Më 2 korrik 2026, në orën 19:30, në Galerinë e Arteve “Edward Lear”, pranë Qendrës Kulturore “Margarita Tutulani”, në qytetin e bukur të Beratit, do të hapet ekspozita personale e artistit Zeqirja Rexhepi nga Gjilani, me qëndrim në Kanada.

Ekspozita e titulluar “rrënjët” sjell për publikun mbi 40 punime artistike, të cilat përfaqësojnë një trashëgimi emocionale të mbartur në çdo etapë të jetës së autorit.

Veprat dallohen për teknikën e gjallë, ngjyrat plot energji dhe kompozimin dinamik, ku ndërthuren figura muzikantësh të stilizuar, të mbështjella me ndjenjën e nostalgjisë dhe një ritëm të fuqishëm vizual.

Kjo ekspozitë fton vizitorët në një udhëtim artistik, ku kujtesa, identiteti dhe emocioni shprehen përmes një gjuhe figurative bashkëkohore.