Eksporti zviceran gjatë korrikut: 19.1 miliardë franga

Dallimi në mes të shumës së eksportit dhe importit jep suficitin e eksportit prej 3.6 miliardë frangash vetëm për muajin korrik

Zvicra gjatë muajit korrik ka eksportuar mallra me vlerë prej 19.1 miliardë frangash që është për 4.5 për qind më tepër se në korrikun e vitit 2016.

Nga ana tjetër, importi brenda po kësaj periudhe ka shënuar rënie prej 0.5 për qind, duke rënë në 15.5 miliardë franga. Dallimi në mes të shumës së eksportit dhe importit jep suficitin e eksportit prej 3.6 miliardë frangash vetëm për muajin korrik, shkruan srf.ch.

Rritjes së eksportit i ka kontribuuar në radhë të parë shitja e produkteve kimike farmaceutike, metaleve dhe orëve, informon Administrata Federale e Doganave, transmeton albinfo.ch. Ndërsa e kundërta ka ndodhur me produktet e makinerisë, elektronikës dhe stolive, me lëmin e automjeteve dhe aeroplanëve. Të gjitha këto fusha kanë pësuar rënie të eksportit.