Bota
Lëvizja e lirë e fuqisë punëtore do të hiqet pas Brexit-it
Kompanitë kanë shprehur shqetësimin se pas Brexit-it mund të mos jenë në gjendje të punësojnë numrin e kërkuar të punëtorëve të kualifikuar dhe të pakualifikuar
Britania do të heqë lëvizjen e lirë të fuqisë punëtore menjëherë pas Brexit-it dhe do të vendosë masa për të zvogëluar numrin e emigrantëve më pak të kualifikuar nga BE-ja, raportoi Reuters duke iu referuar një dokumenti qeveritar të publikuar nga “The Guardian”, përcjell albinfo.ch.
Reduktimi i migrimit në Britani të Madhe ishte një nga arsyet kryesore për referendumin e vitit të kaluar për largimin nga BE-ja. Kompanitë kanë shprehur shqetësimin se pas Brexit-it mund të mos jenë në gjendje të punësojnë numrin e kërkuar të punëtorëve të kualifikuar dhe të pakualifikuar.
Nuk ka ende asnjë koment nga Ministria Britanike e Brendshme. Sipas «Guardian», dokumenti nuk ka marrë ende mbështetje nga ekipi ministror i kryeministres Theresa May.
“Ta themi thjesht, kjo do të thotë se emigracioni duhet të jetë i dobishëm jo vetëm për emigrantët, por edhe për banorët e tanishëm, në mënyrë që të mund të konsiderohet i vlefshëm për vendin në tërësi”, thotë “Guardian”, duke cituar dokumentin, transmeton albinfo.ch.
May ka thënë tashmë lëvizja e lirë e fuqisë punëtore do të duhet të ndalet, pasi Britania e Madhe largohet nga blloku. Megjithatë, ajo nuk ka njoftuar ende se çfarë lloj sistemi imigracioni dëshiron. Gazeta shkruan se qeveria po konsideron gjithashtu një futje graduale të një sistemi të ri imigracioni në Britani të Madhe për shumicën e emigrantëve nga Evropa. Ai gjithashtu do të vendosë kufizime serioze të reja mbi të drejtat e tyre për të sjellë anëtarët e familjes në Mbretërinë e Bashkuar.
Muajin e kaluar migrimi neto në Mbretërinë e Bashkuar ra në nivelin më të ulët në tre vjetët e fundit, duke marrë parasysh periudhën nga prilli i vitit të kaluar deri në mars të këtij viti.
Më shumë se gjysma e kësaj rënieje është për shkak të largimit të shtetasve të BE-së dhe numrit më të ulët të ardhësve. Megjithatë, numri prej 246,000 është shumë më i madh se “dhjetëra mijëra”, që sipas May, është nivel i qëndrueshëm i migrimit, tha Reuters.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Fitimet e Bankës Kombëtare të Zvicrës kthehen në nivele rekord Përveç një fitimi prej 52.4 miliardë CHF në zotërimet e saj në valutë të huaj, SNB...
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?