Thaçi mandatoi Haradinajn për formimin e Qeveris së re

“Duke u bazuar në kompetencat e mia kushtetuese, përmes një dekreti kam caktuar z. Ramush Haradinajn mandatar për formimin e Qeverisë së re të Republikës së Kosovës, i propozuar nga ky koalicion”, ka deklaruar Hashim Thaçi, president i Kosovës

Menjëherë pasi Kuvendi i Kosovës e votoi kryetarin dhe kryesinë e re të Kuvendit, presidenti Hashim Thaçi ka mandatuar Ramush Haradinajn, kandidat për formimin e Qeverisë së re. Ndërsa sipas paralajmërimit të Kadri Veselit, kryeparlamentarit të ri, seanca e radhës mbahet të shtunën kur edhe pritet të votohet Kabineti Haradinaj.

“Sapo pranova propozimin nga koalicioni fitues i zgjedhjeve të 11 qershorit, i cili ka siguruar shumicën e votave në Parlament, për caktimin e mandatarit të ri të Qeverisë së Kosovë. Duke u bazuar në kompetencat e mia kushtetuese, përmes një dekreti kam caktuar z. Ramush Haradinajn mandatar për formimin e Qeverisë së re të Republikës së Kosovës, i propozuar nga ky koalicion”, ka deklaruar Hashim Thaçi, president i Kosovës.

Siç kanë deklaruar burime të afërta nga koalicioni PAN, Ramush Haradinaj e ka të gatshëm kabinetin dhe pritet të votohet në Kuvend.