Dardan Gashi, zyrtarisht ministër i Diasporës

Pas dorëzimit të postit, Valon Muarti i shprehu gatishmëri ministrit Gashi për të bashkëpunuar në të ardhmen në funksion të fuqizimit të raporteve të Kosovës me diasporën shqiptare

Ministri i deritanishëm i Diasporës, Valon Murati zyrtarisht ia dorëzoi detyrën e ministrit Dardan Gashi, duke i ofruar bashkëpunim në ruajtje e raporteve ndërmjet Kosovës dhe diasporës. Gashi është ministri i tretë i diasporës, pas Ibrahim Makollit dhe Valon Muratiti, ndërsa është i pari ministër i Diasporës që ka edhe postin e zëvendëskryeministrit.

“Sot ia dorëzova detyrën e ministrit z.Dardan Gashi, ministrit të ri të diasporës, duke i shpjeguar rezultatet e arritura dhe sfidat e së ardhmes. I shpreha gatishmërinë time personale për të bashkëpunuar në të ardhmen në funksion të fuqizimit të raporteve të Kosovës me diasporën shqiptare. Njëkohësisht sot takova stafin e ministrisë, të cilin e falënderova për bashkëpunimin e deritanishëm dhe të cilin e prezantova me ministrin e ri”, shkruan Murati në facebook.