Në aksident trafiku, vdes kryetari dhe kryesuesi i Ranillugut

Përveç kryetarit të Ranillugut në aksidentin që ka ndodhur sot në Nish ka vdekur kryetari i Ranillugut Gradimir Mikiq edhe kryetari i Kuvendit të kësaj komune, Sasha Alleksiq

Në një aksident trafiku që ndodhi në Nish të Serbisë, kanë vdekur kryetari i Komunës së Ranillugut, Gradimir Mikiq dhe kryetari i Kuvendit Komunal, Sasha Aleksiq. Aksidenti ka ndodhur gjatë mesditës në magjistralen Nish – Leskovac, konfirmoi komandanti i Policisë së Kosovës, Nebojsha Popoviq, në rajonin e Ranillugut, nga vinin edhe Mikiq dhe Aleksiq.

Shërbimi Emergjent i Qendrës së Shëndetit në Leskoc të Serbisë, konfirmoi se rreth orës 12:45 kanë marrë një telefonatë për aksident. “Na treguan nga vendi i ngjarjes se një burrë është i vdekur”, kanë thënë nga qendra emergjente, citon express.

Shkaqet e aksidentit tani për tani janë të panjohura. Ndërsa të lënduar rëndë janë një burrë dhe një grua të cilët janë transportuar për në Qendrën Klinike të Nishit. Mediat në Kosovës po raportojnë se të lënduar nga ky aksident kanë mbetur dy persona, gruaja e kryetarit të komunës Vesna Mikiq dhe një person tjetër që besohet se është shoferi i kryetarit.