ISIS merr përgjegjësinë për sulmin në Londër, rritet numri i të lënduarve

29 persona janë lënduar, prej tyre tetë në gjendje kritike nga sulmi i sotëm terrorist në Londër

Ilustrim

Londra sërish është goditur nga sulmet terroriste dhe përsëri në cak ka qenë metrotë.

Sulmi ndodhi në “Pearsons Green” në Londër, ku u lënduan 29 persona, edhe pse në fillim u raportua për 22.

Siç raporton “BBC”, ISIS me anë të një deklarate për media ka marrë përgjegjësinë për sulmin në Londër, përcjell albinfo.ch.

Ndërkohë, kryeministrja britanike, Theresa May tha se niveli i kërcënimit është rritur nga “i rëndë” në “kritik”, gjë që nënkupton se një sulm tjetër i pashmangshëm pritet së shpejti.

Detektivë të policisë dhe agjentët të kundërzbulimit janë vënë në kërkim të autorit të bombës. May tha se ushtria duhet të ofrojë mbështetje të pakufizuar ndaj policisë, e mund t’i zëvendësojnë ata në detyrat si rojtarë nëpër disa vende specifike, që nuk janë të qasshme për publikun.