Reperët shqiptarë dëgjohen në 92 shtete të botës

Labeli muzikor shqiptar “Për Inati t’Njoni Tjetrit” është duke shijuar sukseset ndërkombëtare.

Ky grup i reperëve, në të cilin ndër më të njohurit janë MC Kresha dhe Lyrical Son, thonë se dëgjohen në 92 shtete të botës.

Kohë më parë grupi publikoi edhe në YouTube albumin më të ri “Rapsodët N’Rap T’Sotit” me të cilin duket se ka “qëlluar në shenjë”.

“PINT” ka publikuar në faqen zyrtare të Facebookut një fotografi në të cilën shihet një artë, e që sipas grupit, paraqet vendet në të cilën janë dëgjuar këngët e këtij grupi, përcjell albinfo.ch.

“Speca, të nderuar, me këtë foto ju përshëndesim anekënd botës. Kjo foto tregon se ne dëgjohemi në gjithë botën dhe jemi krenarë që muzika jonë kalon jashtë kufijve gjithandej. Falënderojmë gjitha shtetet dhe ato janë gjithsej 92 në të cilat muzika jonë transmetohet në radio, portale, YouTube, Spotify etj”, ka shkruar grupi në Facebook.