Gashi: Funksionalizimi i aeroportit të Gjakovës i mundshëm

“Si Qeveri e sapoformuar, po përpiqemi ta vëmë theksin në këtë fushë, në prurjen e investimeve dhe ta reduktojmë burokracinë aktuale që investitorët të mos ikin në vendet fqinje”, ka thënë zëvendëskryeministri Gashi

Zëvendëskryeministri dhe njëherësh ministri i Diasporës, Dardan Gashi ka pritur në një takim ambasadorin e Italisë në Kosovë,  Piero Sardi, me të cilin ka biseduar për sfidat dhe mundësitë e prurjes së investitorëve italianë në Republikën e Kosovës. Po ashtu në këtë sferë ata kanë parë si mundësi funksionalizimin e aeroportit të Gjakovës.

“Si Qeveri e sapoformuar, po përpiqemi ta vëmë theksin në këtë fushë, në prurjen e investimeve dhe ta reduktojmë burokracinë aktuale që investitorët të mos ikin në vendet fqinje”, ka thënë zëvendëskryeministri Gashi.

Edhe diplomati italian tha se është e rëndësishme të funksionalizohet ky dikaster për ta përmirësuar imazhin e Republikës së Kosovës në tërheqjen e investimeve strategjike. Në këtë takim, ndër të tjera, është diskutuar për funksionalizimin e aeroportit të Gjakovës  dhe për diasporën kosovare në Itali.