“PRG” e gatshme të investojë 35 milionë dollarë në Kosovë

Ministri i Diasporës, Dardan Gashi gjatë një takimi që ka zhvilluar me Kirk Adams nga kompania “PRG”, tha se kjo kompani e metaleve është e gatshme t’i investojë 35 milionë euro në Kosovë

“Power Resurces Group” është kompania ndërkombëtare që është interesuar të listohet si investitor strategjik në kuadër të Ministrisë së Diasporës dhe Investimeve Strategjike në Kosovë me një vlerë 35 milionë dollarë. Kështu ka deklaruar  zëvendëskryeministri dhe njëherësh ministri i Diasporës, Dardan Gashi pas një takimi që ka zhvilluar me Kirk Adams, nga kompania “PRG”.

Kjo kompani, siç u tha në takim, merret me përpunimin e metaleve ndërsa ka interesim të investoj në Kosovë.

“Është një lajm i mirë interesimi juaj për të investuar në vendin tonë. Republika e Kosovës është e vendosur t’i mbështetë investitorët e vet dhe tashmë ka një adresë për lehtësimin e procedurave”,- ka thënë zëvendëskryeministri Dardan Gashi.

Nga ana tjetër, Adams, nga PRG-ja, e ka falënderuar ministrin Gashi për mbështetjen institucionale.  “Javën e kaluar kemi hapur një impiant në Gostivar. Jemi të interesuar të investojmë në këtë fushë edhe në Kosovë”,- ka thënë Adams. PRG-ja, kompani për përpunimin e metaleve, ndërsa pritet t’i punësojë 150 persona.