Dy dekada pas luftës, Kosova me zona të minuara (video)

Në fshatin Dumnice e Epërme në vijën kufitare Kosovë-Serbi, banoret thonë se tash e 18 vjet nuk  po mund te shfrytëzojnë pronat e tyre sepse nga Forcat e Sigurisë së Kosovës janë vendosur mbishkrimet “zonë e minuar"

Edhe pse kanë kaluar 18 vjet që nga përfundimi i luftës, zona të shumta në Kosove janë të minuara. Në fshatin Dumnice e Epërme ne vijën kufitare Kosovë-Serbi, banoret thonë se tash e 18 vjet nuk  po mund te shfrytëzojnë pronat e tyre sepse nga Forcat e Sigurisë së Kosovës janë vendosur mbishkrimet “zonë e minuar” , ata thonë se janë ankuar në të gjitha instancat, por asgjë konkrete nuk është bërë  deri tash.

Zona te minuara në këtë qytet nuk ka vetëm në këtë fshat.

Gjatë punimeve në zgjerimin e shtratit të lumit Llap ne Lupç të Podujevës janë gjetur 4 mina të luftës së dyte botërore.

Ibrahim Shala është drejtor i Departamentit për Marrëdhënie me Publikun në Ministrinë e FSK-së.

“Në lokacionin e Dumnicës së  Epërme të komunës së Podujevës, nuk kanë punuar njësitë e çminimit të FSK-së sepse ka pasur zona shumë më me prioritet.  Nga java e ardhshme kjo zonë është futë në prioritet dhe do fillojë çminimi. Aktivitetin e çminimit do ta kryej një organizatë joqeveritare ndërkombëtare e specializuar që quhet HALO TRUST”, tha ai.