Nobeli për Paqe i jepet Kampanjës kundër armëve nukleare

Çmimi Nobel i Paqes, me vlerë nëntë milionë kruna suedeze (1.10 milion dollarë), do të paraqitet në Oslo më 10 dhjetor

Komiteti norvegjez për Nobel, ka vendosur ta shpërblejë me çmimin Nobel për Paqe kampanjën ndërkombëtare kundër armëve nukleare (ICAN), thuhet në njoftim përcjell albinfo.ch.

Këtë çmim kjo kampanjë e fiton për shkak “të punës që të tërheq vëmendjen për pasojat katastrofale e humanitare që mund të ketë përdorimi i armëve nukleare dhe tentimeve për të arritur një marrëveshje për parandalimin e këtyre armëve”.

Fushata Ndërkombëtare për Demontimin e Armëve Nukleare, ICAN, një grup që punon dhe promovon një çarmatim të plotë të armëve nukleare, por edhe për arritjen e një traktati për ndalimin e këtyre armëve ka fituar edhe çmimin më prestigjioz.

Kjo fushatë ka nisur punën e saj 10 vite më parë dhe sot i janë bashkangjitur në këtë nismë 468 organizata partnere në 101 shtet. Traktati është marrëveshja e parë ndërkombëtare për ndalimin e armëve nukleare.

Çmimi Nobel i Paqes, me vlerë nëntë milionë kruna suedeze (1.10 milion dollarë), do të paraqitet në Oslo më 10 dhjetor.