Angela Martini, kontratë me IMG

Para saj për IMG-në kanë punuar edhe top-modelet më të mëdha të botës si Gisele Bündchen dhe Kate Moss etj.

Top modelja e famshme shqiptare-zvicerane Angela martini ka lidhur një marrëveshje me firmën IMG, ka njoftuar sot firma në fjalë. Me këtë nënshkrim, shqiptarja hyn automatikisht në shërbim të firmës së madhe të marketingut që vepron në mbarë botën.

Angela (Anxhela) Martini është lindur në Shkodër para 25 vitesh. Ajop ka jetuar në Zvicër, Cyrih, para se të depërtonte në skenat e mëdha të modelizmit në Nju Jork. Në SHBA ajo është aktive edhe si ndërmarrëse dhe para pak ditësh ka publikuar koleksionin e saj të parë të kostumeve të plazhit me emrin „Martini Bikini“.

Me marrëveshjen e lidhur me IMG, të gjitha angazhimet e marra më heret nga Angela do të kalojnë automatikisht në koordinim të IMG-së. Modelja Martini, në kuadër të marrëveshjes do të mund të rezervohet përmes IMG-së edhe për fushatat reklamuese  ose për paraqitjet si moderuese, shkruan portali persönlich.com..

Me angazhimin e saj në këtë firmë, Angela Martini është në shoqëri mjaft të mirë. Para saj për IMG-në kanë punuar edhe top-modelet më të mëdha të botës si Gisele Bündchen dhe Kate Moss etj.