Tetovë: Rëzohet kulmi i Spitalit, vdes studentja Dafina Raci

Rrëzimi i kulmit të Spitalit Klinik të Tetovës ka qenë i kobshëm për studenten e mjekësisë në Universitetin Shtetëror të Tetovës Dafina Raci nga Prishtina.  Ngjarja ka ndodhur sot rreth orës 14.00, kur në Repartin Internist të bie kulmi që ishte vdekjeprurës për studenten nga Prishtinë.

Studentja, sipas televizonit Alb, që citon burime spitalore, ka mbetur e vdekur menjëherë në vendin e ngjarjes, ndërsa tre persona të tjerë janë lënduar. Edhe daja i Dafinës, Astrit Ademi nga Shkupi ka marrë lëndime të lehta.

Një nga të lënduarit është edhe Shefket Samiu, i punësuar si shofer në spital. Në vendin e ngjarjes kanë dal ekipe të zjarrfikëse. Të lënduarit janë transferuar në Spitalin e Shkupit. Informacionet e para flasin se shembja e kulmit të spitalit ka ndodhur si pasojë e erërave të forta, duke rënë mbi tre persona.