Toyota s’prodhon më vetura dizel

Toyota ka pasur përfitime të mëdha në tregun e automobilave hibridë me benzinë dhe rrymë dhe ka vendosur që të mos sjellë më kurrë vetura dizel.

Teksa gjiganti japonez do të vazhdojë të ofrojë motorë dizelë edhe në disa modele, autoprodhuesi ka arritur në një pikë ku thotë se do të përdorë teknologjinë para materialit djegës. Shumicën e modeleve dizel, Toyota i blen nga BMW-ja.

Zëvendëspresidenti i Toyotas, Didier Leroy, ka thënë se ai beson që firma nuk do të sjellë më modele dizel, shkruan Albinfo.ch.

“Opinioni im personal – dhe mbetet mendimi im – është që jo, nuk do të lansojmë më modele dizel. Sigurisht, ne mendojmë për periudha më të largëta”, ka thënë ai në panairin e Tokios.