Arrestohen tre persona për blerje votash

Foto ilustrim

Në Maqedoni janë arrestuar tre persona për blerje votash në Strugë për zgjedhjet lokale që u mbajtën më 15 tetor, shkruajnë mediat shqiptare të Maqedonisë.

Është ndaluar një person nga fshati Misleshovë me iniciale K.I. (44 vjeç), një person tjerët nga qyteti i Strugës me iniciale R.K. (38 vjeç) dhe një person në fshatin Llabunishtë (39 vjeç) me iniciale L.O., përcjell albinfo.ch.

Ndaj këtyre personave në fjalë janë ngritur padi penale sipas Ligjit penal për shitblerjen e votës dhe rrezikojnë nga 3 deri në 5 vjet burg.

Zgjedhjet Lokale u mbajtën më 15 tetor në Maqedoni, derisa balotazhi është caktuar këtë të diele, pra më 29 tetor.