PPE: Rama të ndalë presionin politik ndaj prokurorisë!

"Është tejet shqetësuese se si pozita e ka marrë në mbrojtje Tahirin dhe po ushtron presion ndaj Prokurorisë së Krimeve të Rënda"

Grupimi i Partive Popullore Evropiane ka reaguar lidhur me çështjen Tahiri dhe votimin e Kuvendit kundër arrestimit të deputetit socialist.

Përmes një deklarate për mediat, PPE pjesë e së cilës është edhe Partia Demokratike, thotë se është tejet shqetësuese se si pozita e ka marrë në mbrojtje Tahirin dhe po ushtron presion ndaj Prokurorisë së Krimeve të Rënda.

“Grupi i Partive Popullore Evropiane i bën thirrje kryeministrit Edi Rama dhe shumicës qeverisëse të ndërpresin menjëherë presionin politik ndaj Prokurorisë si dhe të kanalizojnë instrumentet e tyre politikë, në mbrojtje të drejtësisë”, thuhet në njoftim.