Ja cila këngëtare do të jetë në Tiranë për Natën e Bardhë

Këtë vit kjo festë do të jetë edhe më interesante, pasi që në Tiranë pritet të mbërrijë këngëtarja me famë botërore, Emeli Samde, e cila do të mbajë koncert më 29 Nëntor

Nëntori për shqiptarët është muaji i mbushur me festa dhe tash është bërë zakon që në këtë muaj në Tiranë të festohet Nata e Bardhë, ku çdo vit organizohen aktivitete kulturore. Këtë vit kjo festë do të jetë edhe më interesante, pasi që në Tiranë pritet të mbërrijë këngëtarja me famë botërore, Emeli Samde, e cila do të mbajë koncert më 29 nëntor.

Këtë lajm e ka bërë të ditur kryetari i Bashkisë së Tiranës, Erion Veliaj.

“E nisim Nëntorin me një super lajm! Emeli Sandé vjen në Tiranë, në datën e 29 nëntorit për koncertin e madh të Natës së Bardhë në sheshin “Skënderbej”. Mos e humb një ditë-natë me koncerte, muzikë, art, surpriza dhe shumë argëtim”, ka shkruar ai.