Sony sjell qenin robot “Aibo”

Sony thotë se “Aibo” i ri mund të lidhet emocionalisht me anëtarët e një familje duke u ofruar dashuri dhe argëtim

Kompania e njohur teknologjike, Sony, ka vendosur të kthejë qenin robot ikonik me një model të ri të quajtur “Aibo”.

Sony thotë se “Aibo” i ri mund të lidhet emocionalisht me anëtarët e një familje duke u ofruar dashuri dhe argëtim. Ai mund të lëvizë të gjitha 22 pjesët e veta dhe ka dy sy me panele OLED. Jeta e baterisë është rreth dy orë, me tri orë mbushje të plotë.

Kompania ka thënë se sjelljet e qenit janë normale, me qenin që kërkon pronarin, mëson se çfarë i bën ata të lumtur dhe mësohet me kushtet e ambientit. Ai përdor teknologjinë më të re për të analizuar zërin dhe fotografitë që sheh përmes senzorëve, transmeton Albinfo.ch.

Çmimi i tij është rreth 1500 euro.

Qeni i veçantë është në dispozicion për para-porosit që nga sot në Japoni, ndërsa del në treg më 11 janar të vitit 2018.