Veturat shpenzojnë 42 për qind më shumë se ajo që thonë prodhuesit

Rezultatet e reja kanë treguar se ka pasur rritje të dallimit në vlerat mes atyre që jepen nga kompanitë për shpenzimet e veturave dhe atyre se sa shpenzojnë ato në të vërtetë.

Dallimi mes këtyre dyjave tani është rreth 42 për qind, sipas një hulumtimi të ri.

Këshilli Ndërkombëtar i Transportit të Pastër ka analizuar të dhënat nga një milionë vetura në tetë shtete evropiane për të nxjerrë këtë rezultat. Dallimi prej 42 për qindësh ndjek të dhënat e rezultatit të vitit 2013 kur ky dallim ishte 25 për qind. Në vitin 2001 dallimi ishte vetëm nëntë për qind, transmeton Albinfo.ch.

Shitësit privatë të veturave kanë dalë më të mirë se kompanitë në këtë raport. Ata tregojnë vetëm 39 për qind më ulët shpenzimet e një veture në krahasim me ato që shpenzon në të vërtetë, ndërsa për kompanitë dallimi është 45 për qind. Sipas këtyre të dhënave, një klient paguan rreth 400 euro më shumë në vit për karburant, në krahasim me atë që deklaron prodhuesi.