Shkurt.ch
Kantoni më i varfër i Zvicrës vendos për pagën minimale
Pagat do të diferencohen sipas degëve të ndryshme dhe do të shkojnë në mes të 3,300 frangave dhe 3,400 frangave (ndërmjet 2,800 dhe 2,900 euro). Kjo do të thotë të paguhesh rreth 20 franga në orë
Kantoni zviceran i Ticinos, një nga më të varfrit në Zvicër, është duke u përgatitur për zbatimin e idesë së prezantimit të një page minimale, shkruan “20 minuten”, përcjell albinfo.ch.
Pagat do të diferencohen sipas degëve të ndryshme dhe do të shkojnë në mes të 3,300 frangave dhe 3,400 frangave (ndërmjet 2,800 dhe 2,900 euro). Kjo do të thotë të paguhesh rreth 20 franga në orë.
Forcat politike në Parlamentin Kantonal – “Gjelbërit” dhe të “Majtit” janë kundër futjes së pagës minimale. Argumentet e tyre janë se paratë e siguruara janë shumë të ulëta.
Futja e një pagese minimale në Ticino u miratua në një referendum të mbajtur në 2015. Kantoni pastaj vendosi që duhet të ketë një prag të pagës minimale për rastet kur nuk parashihet marrëveshja kolektive.
Edicioni zviceran kujton se Kantoni Neuchatel ishte i pari në Zvicër që kishte futur një pagë minimale. Kjo ndodhi më 26 tetor 2017. Madhësia e saj dhe të gjitha kushtet për futjen e pagës minimale erdhën pas diskutimit midis partnerëve socialë. Atje paga është 19.78 franga në orë.
Zvicra nuk ka një pagë minimale fikse në nivel federal. Në të njëjtën kohë, vendi bie në një numër grafikësh për vendin më të shtrenjtë për të jetuar.
Në vitin 2014, kishte ide për të vendosur një rrogë minimale prej 22 frangash në orë dhe 4,000 frangash në muaj, në nivel federal. Por propozimi u refuzua në një referendum pasi votuesit pranuan argumentet e qeverisë se kjo do të dobësonte ekonominë, shkruan “20 minuten”, përcjell albinfo.ch.
Të tjera nga Shkurt.ch
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Kosova në fokus të takimeve Zvicër – Itali Këtë të martë, Presidentja e Zvicrës, Viola Amherd dhe Ministri i Mbrojtjes së Italisë Guido Crosetto,...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
A po kthehet koronavirusi në Zvicër?
-
Si të merrni një leje si punëtor ndërkufitar në Zvicër
-
Shqipja në Zvicër, pak histori dhe disa probleme aktuale