Shkurt.ch
Në malet e Zvicrës bora arrin deri në 1.60 m.
Në zonën malore ndërmjet Kantonit të Bernës dhe atij të Valisit, në Gand-Egg që ndodhet në lartësinë 2700 metra, është arritur rekordi. Atje është matur bora me trashësinë 1.62 metra
Moti i ligë që ka filluar pasditen e të dielës me shira të fuqishëm dhe stuhi, ka vazhduar edhe më tutje gjatë mbrëmjes dhe natës, deri në mëngjesin e sotëm. E gjithë kjo ka kulmuar me reshje bore edhe në zonat relativisht të rrafshta, gjegjësisht në lartësi jo të mëdha mbidetare, njofton srf meteo.
Kështu, të hënën në mëngjes bora kishte zbardhur veç tjerash edhe qytetin Langenthal të Kantonit të Bernës, që ndodhet në lartësinë mbidetare prej 480 metrash, transmeton albinfo.ch
Ndërkaq sa u përket zonave me lartësi më të madhe mbidetare, reshja e borës ka qenë shumë më intensive. Lartësinë prej gjysmë metri, shtresa e bardhë dhe e ftohtë e ka arritur në shumë kodra dhe male të Zvicrës. Ndërsa në vende të caktuara si në zonën malore ndërmjet Kantonit të Bernës dhe atij të Valisit, në Gand-Egg që ndodhet në lartësinë 2700 metra, është arritur rekordi. Atje është matur bora me trashësinë 1.62 metra. Në malin Säntis në Zvicrën Lindore trashësia maksimale e borës që është regjistruar, ka qenë 70 centimetra.
Ndryshe, stuhia e djeshme ka shkaktuar probleme dhe çrregullime në regjione të ndryshme të Zvicrës. Ka pasur thyerje drurësh, dalje të tyre me rrënjë dhe pengesa në komunikacion.
Erërat e forta kanë bërë që të rrëzohet çadra e cirkut të madh zviceran “Knie” në Bellinzona, gjë që ka rezultuar edhe me lëndim të një personi.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër