Bob Geldof heq dorë nga “çmimi i lirisë”

Muzikanti irlandez dhe aktivisti kundër varfërisë, Bob Geldof, ka hequr dorë nga çmimi “Liria e Qytetit të Dublinit”.

Ai ka deklaruar se nuk mund ta mbajë këtë çmim nderi së bashku me lideren e Mianmarit, Aung San Suu Kyi, e cila, sipas tij, ka detyruar mbi 600 mijë myslimanë nga rajoni Rakhine të ikin nga shtëpitë e tyre dhe dhunën që po e ushtron te ky komunitet, transmeton albinfo.ch.

Vështirësitë me të cilat janë përballur komuniteti Rohingya kanë sjellë zemërim të madh në gjithë botën dhe kanë bërë thirrje që Suu Kyi-së t’i hiqet edhe çmimi Nobel për Paqe, që e ka fituar më 1991, pas kundërshtimit të saj ndaj veprimeve të atëhershme ushtarake të Mianmarit.