Gjenerali Hoxhis: Trupat amerikane të paktën edhe 5 vjet në Kosovë

Nga ajo që unë shoh, së paku edhe pesë vjetët e ardhshme nuk planifikojmë të largohemi nga Kosova, ka deklaruar gjenerali amerikan Ben Hoxhis

Të paktën edhe pesë vitet e ardhshme, ushtria amerikane nuk do të largohet nga baza Bondstilli dhe nga Kosova. Kështu është përgjigjur komandanti i ushtrisë amerikane për Evropë, gjenerali Ben Hoxhis. I pyetur nga portali serb i lajmeve Insajder, nëse KFOR-i ka plan të largohet nga Kosova, ai është përgjigjur se për këtë vendos Aleanca Veriatlantike NATO.

“Personalisht jam i ngarkuar të sigurojë pjesëmarrjen e ushtarëve amerikanë në misionin e KFOR-it. Nga ajo që unë shoh, së paku edhe pesë vjetët e ardhshme nuk planifikojmë të largohemi nga Kosova, sepse tashmë janë të siguruara të gjitha resurset edhe për pesë vite e ardhshme” është përgjigjur ushtaraku amerikan, transmeton rtk.

Ai tha se rrëfimi për Qendrën humanitare ruse në Nish është thjesht një fasadë, pasi ajo ka tjetër mision dhe jo atë për çka flitet