LAPSH-i festoi ditën e shkollës shqipe

LAPSH “Naim Frashëri”(St.Gallen dhe Glarus) kremtuan 7 Marsin Ditës së Shkollës Shqipe

©Jonida Haxhija, Afërdita Maliqi, Fatmire Sopa, Qefsere Sejdiu, Vaxhid Sejdiu, Gani Shala, Ndrec Nikolla së bashku me kryetarin e Këshillit Mehmet Sherifi i pari nga e djathta në të majtë u nderuan për punën e tyre në mësimin plotësues dhe ruajtjen e gjuhës shqipe, si dhe trashëgimisë kulturore nga të gjitha hapësirat e trojeve shqiptare.

Më 17 Mars 2012 në Weesen të Zvicrës, në sallën e madhe të mbushur përplotë bashkätdhetarë, nxënës, e mysafir të ftuar LAPSH “Naim Frashëri” e kantonit St.Gallen dhe kantonit Glarus, bashkërisht në mënyrë madhshtore kremtuan 7 Marsin Ditën e Shkollës Shqipe. Pjesëmarrësit me vëmendje përcillen programin e pasur kulturo-artistik, të përgatitur nga mesimdhënësit bashkërisht me nxënësit e shkollës shqipe, të cilët, me të vërtetë pas përfundimit të programit dëshmuan me punën e tyre se i kanë qëndruar besnik përmbajtjes së Ftesës ku në mes tjerash ishte bërë edhe kjo thirrje:

“…Ejani dhe binduni në përpjekjet e nxënësve të shkollës shqipe në ruajtjen e gjuhës dhe kulturës kombëtare.”

Manifestimin e madhështoi dhe e nderoi edhe prania e pilotit Xhems Berisha, i cili pa u lodhur asnjëherë, duke rrezikuar edhe jetën e vet, me fluturakën e tij, fluturon në të të gjitha kontinentet e botës, për të bërë gjithë atë çfarë është e mundur, për ta njohur Kosovën gjithë ato shtete që deri më tani se kanë njohur pavarësinë e saj.

Prania e Xhems Berishës u nderua dhe u mirëprit jo vetem nga LAPSH” Naim Frashëri” e St Galenit dhe Glarusit, i cili e nderojë manifestimin, dhe ishte një kënaqësi e veçantë për pjesëmarrësit e manifestimit kur mësuan se ai ështe në sallë në mesin e tyre që edhe u nderua me duartrokitje për gjithë atë që ka bërë e po bënë për Kosovën dhe njohjen e saj ndërkombëtarisht .

© Në foto nga e majta në të djathtë Daja Rizë, Xhems Berisha,Vaxhid Sejdiu, Sahit Idrizi dhe rapsodi Hekuran Rexhepi

Programi i larmishëm me këngë,valle dhe recitime u përcjell me duartrokitje të gjata nga pjesëmarrësit në këtë manifestim, të cilët u përshëndeten me fjalën e rastit nga mësimdhënësi me përvojë Vaxhid Sejdiu i cili është edhe kryetar i Këshillit të arsimtarëve.

Sejdiu në fjalën e tij, i bëri një rekapitulim gjithë periudhës 125 vjeçare nga hapja e shkollës së parë shqipe e këndej, duke përmendur vështirësitë dhe pengesat nëpër të cilat ajo ka kaluar. “Prandaj ndër shekuj mësuesit tanë kanë qenë të anatemuar nga shtetet fqinje, sepse ata kanë qenë një pengesë e madhe në mosrealizimin e ëndrrave greke, sllave dhe osmane mbi çfarosjen e gjuhës së lashtë shqipe, rrënjët e së cilës qëndrojnë me një krenari të veçantë në mesin e gjuhëve të botës. Ata me jetën dhe veprën e tyre janë bërë dëshmi e gjallë se si ruhet gjuha, libri, shkolla dhe kultura shqiptare”, ka thënë Vaxhid Sejdiu.

“Jam i detyruar që t`iu drejtohem me një kërkesë të natyrshme, që është pjesë e misionit të mësuesit, që është pjesë e detyrave shkollore, që të ardhmen t`ua kushtojmë fëmijëve tanë, që abetarja dhe shkronjat e arta të saj, të jenë sa më afër fëmijëve tanë sepse fëmijët tanë kanë kuptim të plotë në jetë vetëm me gjuhën shqipe. 
Dhe më në fund më lejoni t`iu shpreh një mirënjohje të gjithë prindërve që i dërgojnë fëmijët në shkollën shqipe, dhe një vërejte të gjithë atyre të cilët e anashkalojnë shkollën shqipe”, ka përfunduar mësuesi dhe koordinatori i LAPSH-së në këtë regjion, Vaxhid Sejdiu.

Foto galeri