Kosova

Arrestohet pasi ua mori 11 mijë euro për viza

E enjte, 23 Nëntor 2017 - 12:40 albinfo.ch

Në Pejë janë bastisur dy lokacione dhe një shtëpie private nën dyshimin për shmangie tatimi, ka njoftuar policia e Kosovës, përcjell albinfo.ch.

Sipas raportit të Policisë gjatë bastisjes janë gjetur dhe konfiskuar dokumente të ndryshme si: kontrata fiktive mashtruese në emër të disa shtetaseve të Republikës së Kosovës, kartela bankare, letra të dyshuara, një lap-top, dy fllash diska etj.

Lidhur me rastin është arrestuar një i dyshuar pasi që për të njëjtin ekziston dyshimi i bazuar se ka mashtruar 36 qytetarë të Kosovës, duke ua marrë 11000 euro në emër të kontratave fiktive për t’iu siguruar viza pune.

I dyshuari është dërguar në mbajtje me urdhër të prokurorit.