Jetëgjatësia në Gjermani më e ultë krahasuar me fqinjët e BE-së

Në një raport të botuar nga Komisioni i BE-së ka gjetur se jetëgjatësia mesatare në Gjermani është me ulët në krahasim me vendet tjera, si Spanja, Italia dhe Franca, përcjell albinfo.ch.

Raporti, që shqyrtoi shëndetin e njerëzve në të gjithë vendin, gjeti se Gjermania renditet e 18-ta mes 28 vendeve të BE-së, shkruan “The Local”.

Ndërsa një fëmijë i lindur në Gjermani në vitin 2015 mund të presë që të jetojë në një moshë mesatare prej 80.7 vjetësh, në Spanjë, kjo moshë është 83. Në Itali, studiuesit gjetën jetëgjatësinë mesatare të jetë 82.7 vjet dhe në Francë 82.4 vjet.

Në përgjithësi mosha mesatare në BE është 80.6 vjet.

Vendet që dukeshin më pak të mira në renditje ishin Lituania (74.6 vjeç), Bullgaria (74.7 vjet) dhe Letonia (74.8 vjet).

Sëmundjet kardiovaskulare dhe kanceri, mbeten shkaku më i zakonshëm i vdekjes në Gjermani, pavarësisht faktit që numri i sëmundjeve kardiovaskulare ka qenë në rënie që nga viti 2000. Ndërkohë, kanceri si shkak i vdekjes ka qenë në rritje.