Samsung Galaxy S9 më i vogël në madhësi, më i madh në ekran

Ekrani tani pritet të zë rreth 90 për qind të pjesës së përparme, dhe do të jetë një përmirësim i vogël në krahasim me Galaxy S8, gjeneratën aktuale të telefonit

Trendi aktual te telefonat është – ekrane më të mëdha me korniza minimale. Kjo u ofron ekraneve të zënë hapësirën më të madhe të mundshme në pjesën e përparme të telefonit, pa pasur nevojë që të rritet në përmasa të plota telefoni.

Përjashtim nuk bëjnë as telefonat e Samsungut. Pajisja e radhës e kompanisë, Galaxy S9, raportohet se nuk do të jetë më e madhe, por do të ketë ekran më të madh.

Ekrani tani pritet të zë rreth 90 për qind të pjesës së përparme, dhe do të jetë një përmirësim i vogël në krahasim me Galaxy S8, gjeneratën aktuale të telefonit, transmeton Albinfo.ch.

Për dallim nga modeli S8, gjenerata e re do të ketë më pak korniza në pjesën e sipërme dhe të poshtme. Galaxy S9 dhe S9+ pritet të kenë ekran 5.8-inç dhe 6.2-inç.

Dy pajisjet raportohet se do të vijnë në fillim të vitit 2018.