AP: “New Rules” e Dua Lipës ndër këngët më të mira të vitit

Lipa me “New Rules” është e gjashta në listën e top-dhjetë këngëve të përzgjedhura nga AP

Agjencia e njohur amerikane e lajmeve, Associated Press, e ka përzgjedhur në top-dhjetë këngët e vitit 2017, hitin “New Rules” të Dua Lipës.

Këngëtarja kosovare me hitin e publikuar në korrik ka korrur shumë suksese, duke siguruar disa herë pozitën e parë në top-lista botërore e duke u përfshirë nga shumë mediume ndër këngët më të mira të vitit.

Lipa me “New Rules” është e gjashta në listën e top-dhjetë këngëve.

“Kur ju duhet që të keni të qartë që të largoheni nga ai maskarai me të cilin jeni në lidhje, lëshojeni këngën ‘New Rules’ të Dua Lipës. Dhe nëse dëshironi të dini se si të realizoni ndejën e gjumit më të mirë shikojeni videoklipin e jashtëzakonshëm të Dua Lipës”, shkruan AP në raportin e vet për Dua Lipën, transmeton Albinfo.ch.

Dhjetë këngët më të mira të vitit 2017, sipas AP-së janë:

1. SZA, “The Weekend”
2. Bruno Mars, “That’s What I Like”
3. Remy Ma, “Shether”
4. Childish Gambino, “Redbone”
5. Cardi B, “Bodak Yellow (Money Moves)
6. Dua Lipa, “New Rules”
7. 2 Chainz featuring Jhene Aiko, Ty Dolla $ign and Trey Songz, “It’s a Vibe”
8. Bleachers, “Don’t Take the Money”
9. Kesha, “Praying”
10. Sam Hunt, “Body Like a Back Road”