Burgu i grave kthehet në një punishte ëmbëlsirash

Qëllimi i kësaj nisme është që gratë e burgosura të vetëdijesohen dhe të përgatiten për ri integrim kur të mbarojnë vuajtjen e dënimi

Një iniciativë e drejtueses së qendrës “Sole”, Orjona Hodaj, ka ngjallur interesim të madh të medieve jo vetën në Shqipëri. Ajo ka punësuar 9 gra në burgun e grave në Tiranë për të gatuar ëmbëlsira, transmeton albinfo.ch mediet e Tiranës. Kjo ide është mbështetur nga Bashkia e Tiranës dhe drejtoria e burgjeve, ka thënë Hodaj.

Sipas saj, qëllimi i saj është që gratë e burgosura të vetëdijesohen dhe të përgatiten për ri integrim kur të mbarojnë vuajtjen e dënimit. Ajo në emisionin “Zone e Lirë”, ka shpjeguar se gratë të cilat gatuajnë ëmbëlsira paguhen me rrogë.

Ajo ka thënë se asnjë nga të burgosurat nuk është detyruar që të kryejë punën por e gjitha është bërë me dëshirën e tyre. Madje ajo ka thënë se e ka në planë që të zgjerohet dhe të mund të punësoj 100 grat të cilat janë të burgosura. Hodaj është shprehur se krejt kjo punë është bërë në mënyrë vullnetare dhe për këtë ka pasur mbështetje të njerëzve që duan të bëjnë mirë.

“Kur ndihmon ata që nuk kanë mundësi të ndihmojnë veten, merr një kënaqësi shumë të madhe nga puna që bën”, ka thënë ajo.