Princi Harry nderon ushtarët

Në ditën kur u njoftua data e martesës së tij me aktoren Meghan Markle, princi prezantoi “shpatën e nderit” për kadetin më të mirë në Akademinë Mbretërore Ushtarake

Princi i Britanisë së Madhe, Harry, e ka zëvendësuar Mbretëreshën për të përshëndetur paradën e akademisë së lartë të ushtrisë britanike.

Në ditën kur u njoftua data e martesës së tij me aktoren Meghan Markle, princi prezantoi “shpatën e nderit” për kadetin më të mirë në Akademinë Mbretërore Ushtarake. Harry dhe Markle do të martohen më 19 maj të vitit të ardhshëm.

Harry u diplomua si oficer i ushtrisë në Sandhurst në vitin 2006 dhe u largua nga ushtria në vitin 2015.