Arta Marku zgjidhet kryeprokurore e Shqipërisë, bën edhe betimin

Kuvendi i Shqipërisë ka zgjedhur me votat e pozitës Prokurorin e ri të Përgjithshëm, në një post të përkohshëm. Arta Marku do të mbajë këtë post, duke zëvendësuar kështu kryeprokurorin Adriatik Llalla, transmeton albinfo.ch.

Por zgjedhja e saj është bërë me kundërshtim të fortë të opozitës, e cila hodhi edhe tymues në sallën e kuvendit. Kryeprokurorja e re u zgjodh me 69 vota pro, dy kundër dhe dy abstenime.

Gratë deputetet të opozitës u munduan ta pengonin betimin e saj, por kreu i Kuvendit, Gramoz Ruqi, e ftoi atë te vendi i kryetarit, ku edhe bëri betimin, pa u penguar, edhe pse sërish u hodh tymues në sallë.