Aeroporti më i ngarkuar në botë mbetet pa energji, bllokohen mijëra udhëtarë

Në këtë aeroport realizohen çdo ditë gati 2500 fluturime me më shumë se 250 mijë pasagjerë. Shumë terminale mbeten në errësirë të dielën pas ndërprerjes së rrymës

Ndërprerja e rrymës elektrike në aeroportin ndërkombëtar të Atlantas “Hartsfield-Jackson” ka shkaktuar ngarkesa të mëdha në aeroportin më të ngarkuar të botës.

Në këtë aeroport realizohen çdo ditë gati 2500 fluturime me më shumë se 250 mijë pasagjerë. Shumë terminale mbeten në errësirë të dielën pas ndërprerjes së rrymës, duke pasur probleme edhe me fluturime.

Në momentet e problemeve me rrymë u anuluan rreth 1000 fluturime në total, shkruan BBC.

“Georgia Power”, që merret me rrymën e aeroportit, thotë se një zjarr diku në fabrika ka shkaktuar problemet me rrymë.

Kryetari i Atlantas në SHBA ka kërkuar falje për rastin dhe ka thënë se autoritetet po e hetojnë rastin, transmeton Albinfo.ch.

Një numër i madh i aviokompanive kishin anuluar të gjitha fluturimet në këtë aeroport të dielën.