Aleanca për Shqiptarët pritet të vendosë nëse do të mbetet pjesë e qeverisë

Aleanca për Shqiptarët pritet që sot të vendosë nëse do të mbetet edhe më tej në Qeveri apo do të largohet dhe të shkoj në opozitë.

Vendimi do të merret nga Kuvendi Qendror i kësaj partie i cili do të mbahet ne qytetin e Gostivarit.

Kryeministri Zoran Zaev ka bërë të ditur se ai tashmë ka dërguar propozimin e tij për ministër të Shëndetësisë dhe ai nuk do të jetë nga kjo parti.

Kandidati i propozuar i Aleancës për Shqiptarët për ministrin e Shëndetësisë ka qenë i papranueshëm për Zaevin, kurse në Kuvend tashmë janë dorëzuar propozimet e reja për vendet boshe në kabinetin qeveritar.

Zaev gjatë një interviste për televizionin “Telma” tha se dikasteri i shëndetësisë i ka takuar Aleancës për shkak të tashmë kryetarit të Gostivarit, Arben Taravarit.