Vezët, shumë të rëndësishme për shëndetin e fëmijëve

Shkencëtarët kanë gjetur se të ushqyerit me vetëm një vezë në ditë për gjashtë muaj rresht zhvillon komponentët e rëndësishëm të trurit

Të ushqyerit e fëmijëve me vezë ndihmon zhvillimin e trurit, sipas sugjerimeve të një hulumtimi të ri.

Shkencëtarët kanë gjetur se të ushqyerit me vetëm një vezë në ditë për gjashtë muaj rresht zhvillon komponentët e rëndësishëm të trurit.

Autorja e hulumtimit, Lora Iannotti, nga Universiteti i Washingtonit, ka thënë se sikurse qumështi ose farat, vezët ndihmojnë në zhvillimin e hershëm të një organizmi, transmeton Albinfo.ch.

“Vezët sigurojnë acide yndyrore esenciale, proteina, kolinë, vitaminat A dhe B12, selenium dhe përbërës të tjerë të rëndësishëm”, ka thënë ajo.

Për gjetjen e këtyre rezultateve, hulumtuesit analizuan 163 foshnja mes moshës gjashtë dhe nëntë muajsh. Nga ky grup i fëmijëve, 80 u ushqyen me nga një vezë në ditë për gjashtë muaj, ndërsa të tjerët asnjë.

Rezultatet treguan se bebet që hanë vezët kishin nivel më të lartë të acideve dhe kolinës, që luajnë rol vidal në zhvillimin dhe funksionin e trurit.