Video e yllit të YouTubet me një të vetëvrarë zgjon debat në botë

Një yll amerikan i YouTubet ka marrë shumë kritika pasi kishte postuar një video në të cilën shihej një trup i një të vetëvrari në Japoni.

Video tregonte Logan Paulin dhe miqtë e tij në malin Aokigahara në Fuji, i njohur si vend ku kryhen shumë vetëvrasje.

I nisur duke incizuar malin, ata kaluan afër një trupi të vdekur dhe mbetën të shokuar, por bënë edhe shaka.

Komentues të shumtë e kanë quajtur videon si “të parespektueshme” dhe “të gërditshme”.

Video ishte publikuar të dielën dhe pati miliona klikime para se të fshihej, transmeton Albinfo.ch.

Pas kësaj, Paul, që ka më shumë se 15 milionë ndjekës në YouTube, ka kërkuar falje duke thënë se është i shokuar dhe i frikësuar për veprimin e tij.

Në video, grupi sillet rreth trupit të personit të vdekur, dhe një nga miqtë e thotë se “viktima s’po ndihet mirë”, ndërsa Paul e pyet: Çfarë, nuk ke qëndruar kurrë afër një personi të vdekur”. Më pas qeshin të gjithë.

Komentues të shumtë kanë kërkuar nga Paul të fshijë përgjithmonë llogaritë nga rrjetet sociale, ndërsa ai është përgjigjur se “edhe unë jam një njeri dhe mund të gaboj”.

Japonia është një nga vendet me përqindjen më të lartë të vetëvrasjeve.

Video 15-minutëshe e Paulit është pjesë e serisë së postimeve të yllit të njohur.