Mogherini: 2017-a nuk ishte e lehtë për Ballkanin, 2018, vit vendimtar

“Ky nuk ishte vit i lehtë për Ballkanin. Kam vizituar gjashtë kryeqytete të rajonit në një nga momentet më të vështira, në disa raste, kohë krizash të thella politike”

Shefja e diplomacisë evropiane, Federica Mogherini, beson që viti 2018 do të jetë vendimtar për të ardhmen evropiane të Ballkanit.

Ajo ka përmendur 12 momente të veçanta që kanë shënuar vitin 2017, duke theksuar se falë vendimeve të guximshme dhe punës së fortë që bënë bashkë, këto kriza janë adresuar dhe shumica janë zgjidhur.

“Ky nuk ishte vit i lehtë për Ballkanin. Kam vizituar gjashtë kryeqytete të rajonit në një nga momentet më të vështira, në disa raste, kohë krizash të thella politike”, ka shkruar ajo në blogun e saj.