Kosova
Prodhuesit kosovarë të përpunimit të drurit “pushtojnë” tregun evropian
Kompanitë Palma, Albed dhe Berto do të marrin pjesë në panairin IMM që mbahet në datat 15 – 21 janar 2018
Gjatë janarit 2018, dhjetë prodhues kosovarë nga industria e përpunimit të drurit do të prezantojnë produktet dhe zgjidhjet e tyre për enterier në dy prej panaireve më të mëdha evropiane të kësaj industrie.
Është hera e dytë që Kosova prezantohet në panairin IMM Këln (Gjermani) dhe Swissbau në Basel (Zvicër), shkruan albinfo.ch.
Kompanitë Palma, Albed dhe Berto do të marrin pjesë në panairin IMM që mbahet në datat 15 – 21 janar 2018. Në panairin IMM, furnizuesit dhe vendimmarrësit nga tregjet më të mëdha të sektorit të dizajnit të enterierit nga e gjithë bota përcaktojnë të ardhmen e këtij biznesi.
Në IMM, kompanitë kosovare do të prezantojnë produktet e tyre, si: kuzhina, dhoma të fjetjes, divanë, tryeza, karrige dhe elemente të ndryshme për enterier.
Ndërsa shtatë kompani të tjera nga Kosova: Shehu, Lesna, Elnor, Greenhouse, Koba, Graniti dhe Binni do të ekspozojnë produktet e tyre të ndryshme nga druri në panairin Swissbau që mbahet në datat 16 – 20 janar 2018. Ky është panairi kryesor për industrinë e drurit dhe të ndërtimtarisë në Zvicër.
Në “Swissbau” të Zvicrës, kompanitë kosovare do të ekspozojnë një gamë të gjerë të produkteve, si: dyer, dritare, kuzhina, shkallë prej druri, elemente të drurit për enteriere dhe produkte të tjera.
“Prodhuesit kosovarë po e arrijnë me sukses synimin e tyre që të jenë të pranishëm në tregun evropian, me produktet dhe cilësinë që ofrojnë,” thotë Arieta Vula-Pozhegu, Drejtoreshë Ekzekutive e Shoqatës së Përpunuesve të Drurit të Kosovës. “Pjesëmarrja në këto panaire është e një rëndësie strategjike për kompanitë dhe për industrinë e drurit të Kosovës, pasi shërben si prezantim dhe pikë hyrjeje në këtë treg”.
Historitë e suksesit nga pjesëmarrja në panaire ndërkombëtare të industrisë nuk mungojnë. Në vitin 2016, kompania SHEHU mori pjesë për herë të parë në panairin Swissbau që mbahet çdo dy vjet. Atje, SHEHU krijoi kontakte me një prodhues zviceran të shtëpive prej druri. Tani, SHEHU është furnizuesi kryesor me shkallë prej druri të prodhuara në Kosovë për kompaninë zvicerane Cre-Habitat.
“Ndjehem krenar që shkallët e prodhuara në Kosovë gjendet në shtëpitë zvicerane. Është shenjë e besimit në cilësinë që ofrojmë ne” thotë Kreshnik Shehu, pronar i kompanisë SHEHU, përcjell albinfo.ch.
Pjesëmarrja e dhjetë kompanive në këto dy panaire mbështetet nga :Ministria e Tregtisë dhe Industrisë (MTI), përkatësisht Agjencia për Investime dhe Përkrahjen e Ndërmarrjeve në Kosovë (KIESA), USAID dhe Agjencia Suedeze për Zhvillim Ndërkombëtar (SIDA), Agjencia Zvicerane për Zhvillim dhe Bashkëpunim (SDC), Agjencioni Gjerman për Bashkëpunim Ndërkombëtar “Deutsche Gesellschaft für internationale Zusammenarbeit (GIZ) GmbH.
Mbështetja koordinohet nga Shoqata e Përpunuesve të Drurit të Kosovës SHPDK.
Më shumë info:
https://www.facebook.com/albinfo.ch/photos/a.446144998758220.97867.154597187913004/1654399397932768
Të tjera nga Kosova
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë